रामेछाप - रामेछापमा सत्तारुढ गठबन्धनबीच पद भागबन्डा नमिलेपछि नेपाली कांग्रेस एक्लैले उम्मेदवारी दिने भएको छ ।

नेपाली कांग्रेस रामेछापले २ नगरपालिकासहित ६ वटा पालिकाहरुमा आफ्नो उम्मेदवारको टुङ्गो लगाएको छ । मन्थली नगरपालिकाको मेयरमा विनोद कार्की र उपमेयरमा यशोदा श्रेष्ठलाई तथा रामेछाप नगरपालिकाको मेयरमा लवश्री न्यौपाने र उपमेयरमा सुशीला लामालाई उम्मेदवार बनाइएको छ । 

त्यसैगरी कांग्रेसले लिखु तामाकोशी गाउँपालिकाको प्रमुखमा केशव महत र उपाध्यक्षमा सरस्वती गुरुङ (खड्का), उमाकुण्ड गाउँपालिकाको अध्यक्षमा जितबहादुर कटुवाल  र उपाध्यक्षमा सावित्री सुनुवार, गोकुलगङ्गा गाउँपालिकाको अध्यक्षमा काजीबहादुर खड्का (दिनेश) र उपाध्यक्षमा उषा कार्की (बस्नेत) लाई उम्मेदवार बनाएको छ । 

त्यस्तै दोरम्बा शैलुङ गाउँपालिकाको अध्यक्षमा मानबहादुर लामा र उपाध्यक्षमा खमला थापामगर, सुनापति गाउँपालिकाको अध्यक्षमा कमान खड्का (दिपेन्द्र) उपाध्यक्षमा शान्ति मोक्तान र खाँडादेवी गाउँपालिकाको अध्यक्षमा नवराज थोकर र उपाध्यक्षमा चण्डिका उप्रेतीलाई उम्मेदवार बनाइएको नेपाली कांग्रेस रामेछापका प्रवक्ता नारायणबहादुर बोगटीले जानकारी दिनुभयो ।