जुम्ला – कर्णालीमा हवाई उडान कम भएर अलपत्र परेका यात्रुका लागि वायु सेवा कम्पनीले उद्धार उडान र ई–टिकट लागि गर्ने भएका छन् ।

कर्णालीको हवाई उडानका समस्या समाधानका लागि कर्णालीवासीले पर्यटन मन्त्री जीवनराम श्रेष्ठसँग भेटेर पहल गरिदिन आग्रह गरेका थिए । त्यसपछि निजी जहाज कम्पनीले अलपत्र परेका यात्रुलाई चाँडो भन्दा चाँडो उद्धार गर्ने र ई–टिकट प्रणालीको व्यवस्थापन गर्ने सहितका निर्णय गरेका छन् ।

वायु सेवा सञ्चालक सङ्घका अध्यक्ष क्याप्टेन रामेश्वर थापा, कर्णाली प्रदेश सभाका पूर्वसदस्य नरेश भण्डारी, अर्थ मन्त्रालयका जनसम्पर्क सल्लाहकार मनऋषि धिताल, समिट र तारा एअरका प्रतिनिधिसहित जुम्लावासीको उपस्थितिमा अलपत्र यात्रुको उद्धार तथा ई–टिकट प्रणाली गर्ने निर्णय भएको हो ।

कर्णाली राजमार्ग लामो समयसम्म बन्दा हुँदा जुम्लालगायत कर्णालीमा यात्रुको चाप बढेको छ । तर जहाज नै नपुग्दा समस्यामाथि समस्या थपिएको छ । बिरामीलेसमेत टिकट पाएका छैनन् ।