चिनियाँ राष्ट्रपति सी र भारतीय प्रधानमन्त्री मोदी नरिवलको पानी पिउँदै गफिँदै

असोज २४, २०७६ शुक्रबार १८:२७:५८ | एजेन्सी

चिनियाँ राष्ट्रपति सी जिनपिङ दुई दिने भारत भ्रमणका क्रममा तमिलनाडुको महाबलिपुरम पुग्नु भएको छ ।

युनेस्कोको विश्व सम्पदा सूचीमा परेको महाबलिपुरमका स्मारकको भारतीय प्रधानमन्त्री नरेन्द्र मोदीसँगै चिनियाँ राष्ट्रपति सी जिनपिङले अवलोकन गर्नु भएको छ । यी स्मारक पल्लव वंशका राजाहरुले स्थापना गरेका हुन् । ७औँ र ८औँ शताब्दीमा कोरोमण्डल तटको किनारमा रहेका चट्टान कुँदेर यी स्मारक बनाइएका थिए ।

अनौपचारिक शिखर वार्ताका क्रममा भारतीय प्रधानमन्त्रीले ‘कृष्णको मख्खन बल’ भनेर चिनिएको चट्टानका बारेमा पनि चिनियाँ राष्ट्रपति सीलाई जानकारी गराउनु भएको छ । यो चट्टान लगभग ६ मिटर अग्लो र ५ मिटर चौडा रहेको छ ।

यसको तौल २५० टनभन्दा बढी रहेको बताइएको छ । यही प्राचीन पत्थरको अगाडि भारतीय प्रधानमन्त्री नरेन्द्र मोदीले सीको हात समाएर उठाउँदै मित्रताको सन्देश दिनु भएको छ ।

भारतीय प्रधानमन्त्री नरेन्द्र मोदी परम्परागत पोसाक धोतीमा देखिनु भएको छ भने चिनियाँ राष्ट्रपति सी जिन पिङ शर्ट पेन्टमा देखिनु भएको छ । दुवै जना नरिवलकोे पानी पिउँदै गफिएको पनि तस्बिरहरु सार्वजनिक भएको छ ।

दुई दिने भारत भ्रमण सकेर चिनियाँ राष्ट्रपति सी जिनपिङ शनिबार दिउँसो नेपालको दुई दिने राजकीय भ्रमणमा आउँदै हुनुहुन्छ ।

सम्बन्धित समाचार

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्