हुन्डाईले विद्युतीय गाडी उत्पादनका लागि थप साढे ५० अर्ब डलर लगानी गर्ने घोषणा गरेको छ । हुन्डाईले विद्युतीय कार उत्पादन तथा बजार प्रवर्द्धनका लागि सन् २०२६ सम्ममा थप साढे ५० अर्ब डलर लगानी गर्ने योजना सार्वजनिक गरेको समाचारसंस्था एएफपीले जनाएको छ ।

हुन्डाई बिक्रीका आधारमा विश्वको तेस्रो ठूलो कार कम्पनी हो । तर एलोन मस्कको टेस्ला र चिनियाँ कम्पनी बीवाईडीपछि दक्षिण कोरियाली कम्पनी हुन्डाई विद्युतीय गाडी उत्पादन क्षेत्रमा पछि परेको छ ।

हुन्डाईले सन् २०३० सम्ममा विद्युतीय कारको उत्पादन ३६ लाख वटाभन्दा धेरै पुर्याउने लक्ष्य राखेर विश्वव्यापी विद्युतीय कारको पहिलो तीन स्थानभित्र पर्ने प्रयास गरिरहेको छ । हुन्डाईको नयाँ योनाअनुसार दक्षिण कोरियामा ८० हजार नयाँ रोजगारी सिर्जना गर्नुका साथै तीन वटा नयाँ विद्युतीय कार निर्माण कारखाना स्थापना गर्नेछ ।