युरोपेली च्याम्पियन्स लिग फुटबलको सेमिफाइनल समीकरण पूरा भएको छ । साविक विजेता म्याचेस्टर सिटीलाई हराउँदै रियल म्याड्रिड र आर्सनललाई हराउँदै बार्यन सेमिफाइनलमा पुगेको छ । गएराति भएको खेलमा सिटीलाई पेनाल्टी सुट आउटमा ४–३ ले हराउँदै रियल अन्तिम चारमा पुग्यो । उसका गोलकिपर लुनिनले दुई पेनाल्टी रोके ।

त्यसअघि रियल र सिटीबिच क्वार्टरफाइनलको दोस्रो लेगको निर्धारित र थप सयम एक÷एक गोलको बराबरी भएको थियो । समग्रमा ४–४ को बराबरी भएपछि खेल पेनाल्टीमा पुगेको थियो । पहिलो लेग ३–३ को बराबरीमा समिएको थियोे ।

त्यस्तै अर्को खेलमा बायर्न म्युनिख सेमिफाइनलमा पुगेको छ । दोस्रो लेगमा आर्सनललाई १–० ले हराएपछि समग्रमा ३–२ को नतिजासहित जर्मन टोली बार्यन अन्तिम चारमा पुगेको हो । पहिलो लेग २–२ को बराबरीमा टङगिएको थियो । अब फाइनलमा पुग्न बायर्नले रियल म्याड्रिडसँग खेल्नेछ ।

त्यस्तै अर्को सेमिफाइनलमा पेरिस सेन्ट जर्मेइन (पिएसजी) र बरुसिया डर्टमन्ड खेल्नेछन् । अस्ति भएको खेलमा पिएसजीले बार्सिलोना र डर्टमन्डले एट्लेटिको म्याड्रिडलाई हराउँदै अन्तिम चारमा पुगेका हुन् ।