संसद बैठक स्थगित

 जेठ २८, २०७५ सोमबार १३:४७:५२ | उज्यालो सहकर्मी

काठमाडौं – संघीय संसदको बैठक सूचना टाँसेर स्थगित भएको छ । सोमबार अपरान्ह १ बजेका लागि बोलाइएको संघीय संसदको संयुक्त बैठक सूचना टाँसेर स्थगित गरिएको हो ।

संघीय संसदका महासचिव मनोहरप्रसाद भट्टराईद्धारा जारी सूचनामा ‘मिति २०७५ साल जेठ २८ गते सोमबार दिनको १ बजे बस्ने गरी सूचना गरिएको संघीय संसदको दुवै सदनको संयुक्त बैठक विशेष कारणबस बस्न नसक्ने भएकाले सभामुख र अध्यक्षको निर्देशन अनुसार बैठक अर्को सूचना नभएसम्मको लागि स्थगित भएको’ जनाइएको छ ।

यसअघि आइतबारको प्रतिनिधिसभा बैठक रातो किताब नआएका कारण सभामुख कृष्णबहादुर महराले विनियोजन विधेयकमाथिको छलफलको बुँदा १ देखि ७ सम्मका सबै कार्यसूची हटाउनुभएको थियो ।

अन्तिम अपडेट: भदौ २१, २०७५

तपाईको प्रतिक्रिया