उपचुनावकाे तयारी पूरा, निर्धक्क भई मतदानमा सहभागी हुन आयाेग...
बैशाख १४, २०८१ शुक्रबार
सुनसरी – सुनसरीको दुहबीमा एकजनाको हत्या भएको छ ।
दुहबी गाउँपालिका वडा नम्बर ९ मा रहेको जयबावा इँटा भट्टामा कार्यरत स्थानीय फिदा हुसेनमाथि मोटरसाइकलमा आएका दुई जनाले गोली हानेका थिए ।
छातीमा गोली लागेपछि गम्भीर घाइते भएका हुसेनको उपचारका लागि अस्पताल लैजाने क्रममा बाटैमा ज्यान गएको प्रहरीले जनाएको छ । हुसेन दुहबी गाउँपालिका वडा नम्बर ९ का वडाअध्यक्ष मेहदी हुसेनका भाइ हुन् ।
२० वर्षदेखि इँटा उद्योगमा कार्यरत हुसेनले उद्योगको सम्पूर्ण रेखदेख गर्दै आएका थिए । घटनाको अनुसन्धान सुरु गरिएको प्रहरीले जनाएको छ ।