काठमाण्डाै विश्वकै प्रदूषित शहर बन्याे
बैशाख १४, २०८१ शुक्रबार
जयराज अवस्थी – सरकारले देशका सबै स्थानीय तहमा बैंकका शाखा स्थापना गर्ने लक्ष्य अनुसार बैतडीका सबै स्थानीय तहमा बैंकिङ सुविधा पुगेको छ ।
जिल्लाका सबै स्थानीय तहमा बैंकिङ सुविधा पुगेपछि नागरिकहरुलाइ सजिलो भएको छ ।
बैतडीको सबैभन्दा विकट सिगास गाउँपालिकामा कृषि विकास बैंक, शिवनाथ गाउँपालिकामा नेपाल एसबिआई बैंक, पञ्चेश्वर गाउँपालिकामा नोबेल बैंक, पुर्चौडी नगरपालिका र दोगडाकेदार गाउँपालिकाका ग्लोबल आईएमई बैंक, डिलाशैनीमा कुमारी बैंक, सुर्नया गाउँपालिकामा नेपाल इन्भेष्टमेन्ट बैंक, र मेलौलीमा एनसीसी बैंकका शाखाहरु स्थापना भई सेवा सञ्चालन भइसकेको छ ।
जिल्लाको शिवनाथ गाउँपालिकामा भने केही दिनअगाडि मात्रै नेपाल एसबीआई बैंकको शाखा स्थापना भएको हो । अहिले बैकमा खाता खोल्ने काम भइरहेको गाउँपालिकाका प्रवक्ता हजारी साउदले जानकारी दिनुभयो ।
सदरमुकाममा रहेको दशरथचन्द नगरपालिकामा वाणिज्य बैंक लगायतका अन्य बैंकका शाखाहरु रहेका छन् भने पाटन नगरपालिकाका कृषि बिकास बैंक लगायतका अन्य बैकका शाखाहरु मार्फत स्थानीयहरुले सेवा लिइरहेका छन् ।
सरकारले वि. स. २०७४ साउनमै देशका सबै स्थानीय तहमा बैंकका शाखा स्थापना गर्ने भनेपनि बैतडीका सबै स्थानीय तहमा भने १ वर्षपछि पुगेका हुन् ।
बैंकका शाखा स्थापना भएसंगै स्थानीय तहका कर्मचारी जनप्रतिनिधि तथा सर्वसाधारण नागरिकले सदरमुकाम धाउनुपर्ने बाध्यता हटेको पुर्चाैडी नगरपालिका ४ का स्थानीय चन्ददेव भट्टले बताउनुभयो ।