ललितपुरका मेयर महर्जन अमेरिका भ्रमणमा
चैत ६, २०८० मंगलबार
रामेछाप – वीपी राजमार्ग अन्तर्गत सिन्धुली—खुर्कोट सडक खण्डमा सर्वोच्च अदालतले अन्तरिम आदेश जारी गर्दै ठूला मालवाहक सवारीसाधनमा रोक लगाएको विरोधमा रामेछापका व्यवसायीले सोमबार बिहान अर्धनग्न जुलुस निकालेका छन् ।
व्यवसायीहरुले सडकमा विगतमा जस्तै ठूला सवारीसाधन सञ्चालन हुन पाउनुपर्ने भन्दै त्यसको विरोधमा अर्धनग्न भएर सडकमा उत्रिएका हुन् ।
वीपी राजमार्ग अनतर्गत सिन्धुलीदेखि खुर्कोटसम्मको सडकलाई सरकारले ठूला गाडी संचालनमा रोक लगाएसँगै रामेछापका व्यवसायीहरु एकहप्तादेखि आन्दोलनरत रहेका छन् ।
आन्दोलनकै क्रममा व्यवसायीहरु आज बिहान नाङ्गै सडकमा उत्रिएका हुन् । वीपी चोकबाट निस्किएको अर्धनग्न जुलुससहितको र्याली आकाशेको ट्राफिक बिटसम्म पुगेर देवकोटा चोकमा कोणसभामा परिणत भएको थियो ।
कोणसभामा सम्वोधन गर्दै उद्योग वाणिज्य संघका पूर्व अध्यक्ष पशुपतिबहादुर खड्काले राज्यले रामेछापका नागरिकलाई अनावश्यक दुखः दिइरहेको र रामेछापका नागरिक नेपालका नागरिक नै नभएको ठानी सडकमा ठूला मालवाहक सवारीसाधनलाई रोक लगाएकोमा आपत्ति प्रकट गर्नुभयो ।
उहाँले तत्काल चाँडो भन्दा चाँडो सडक सञ्चालनमा नआए अझै ठूलो सर्घषका कार्यक्रमहरु संचालन गर्ने बताउनुभयो ।
सरकारले बिना कारण रामेछापतर्फ गुड्ने ठूला मालवाहक सवारीसाधनलाई रोक लगाएर खाद्यान्न, निमार्ण सामग्री लगायतका सामानहरु ल्याउन प्रतिबन्ध लगाएको भन्दै जतिसक्दो चाँडो सडक सञ्चालन गर्न र सर्वोच्च अदालतले गरेको अन्तरिम आदेश तत्काल फिर्ता लिनु पर्ने रामेछाप उद्योग वाणिज्य संघका वरिष्ठ उपाध्यक्ष एवं सर्घष समितिका संयोजक केशवप्रसाद घिमिरेले बताउनुभयो ।
सामान ढुवानीका साधन जिल्लामा ल्याउन रोक लगाउँदा अहिले बजारमा दैनिक उपभोग्य वस्तु सकिएको छ । त्यस्तै निमार्ण सामाग्रीहरु नहुँदा भूकम्पपछिको पुनर्निमार्णको कामहरु सवै ठप्प भएको व्यापारीहरुले बताएका छन् ।
दीपक भट्ट उज्यालोका रामेछाप सहकर्मी हुनुहुन्छ ।