सिन्धुली जीप दुर्घटना (अपडेट) : पाँच जनाको ज्यान गयो, सात घाइते

 माघ २४, २०७५ बिहिबार १३:१:१५ | बाबुराम देवकोटा
unn.prixa.net

सिन्धुली - सिन्धुलीको फिक्कल गाँउपालिका–२ चण्डीभञ्ज्याङमा बोलेरो जीप दुर्घटना हुँदा पाँच जनाको ज्यान गएको छ । अन्य सात जना घाइते भएका छन् ।

जिल्लाकै महादेवडाँडाबाट १२ जना यात्रु बोकेर खाङसाङमा आज सञ्चालन भएको स्वास्थ्य शिविरतर्फ जाँदै गरेको बा १५ च ९४२२ नम्बरको जीप बिहान ९ः३० बजेतिर अनियन्त्रित भई दुर्घटना भएको जिल्ला प्रहरी कार्यालयले जनाएको छ । 

दुर्घटनामा परि ज्यान गुमाएका पाँचै जनाको सनाखत हुन बाँकी रहेकाे जिल्ला प्रहरी कार्यालय सिन्धुलीका प्रहरी नायव उपरीक्षक लोकदर्शन थापाले बताउनुभयाे ।दुर्घटनामा तीन जना गम्भीर र चार जना सामान्य घाइते रहेकाे पनि उहाँले बताउनुभयाे ।

घाइतेहरुलाई उपचारका लागि सदरमुकाम ल्याइँदै गरेकाे र थप जानकारी आउन बाँकी रहेको उहाँले बताउनुभयो । 

अन्तिम अपडेट: कात्तिक ७, २०७६

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ । 

तपाईको प्रतिक्रिया