भोजपुरमा ६ वर्षीया बालिका बलात्कारको आरोपमा एक जना पक्राउ

 साउन १८, २०७६ शनिबार १२:५२:२७ | उज्यालो सहकर्मी
unn.prixa.net

भोजपुर – ६ वर्षीया बालिका बलात्कार गरेको आरोपमा भोजपुरमा एक युवक पक्राउ परेका छन् । 

हतुवागढी गाउँपालिका– २ का एक युवकले आमचोक गाउँपालिका –६ की बालिका बलात्कार गरेको आरोपमा पक्राउ गरिएको जिल्ला प्रहरी कार्यालय भोजपुरले जनाएको छ । 

बलात्कार गर्ने युवकको परिचय खुलाइएको छैन । गएको साउन १५ गते घर नजिकै रहेको जंगलमा बालिका गोठालो गएको मौका पारेर युवकले बालिकामाथि बलात्कार गरेका थिए । 

बालिकाले घटनाको बारेमा भोलिपल्ट मात्र आमालाई बताएकी थिइन् । त्यसपछि बालिकाको परिवारले जिल्ला प्रहरी कार्यालयमा भोजपुरमा उजुरी दिएका थिए ।

पीडित बालिकाको जिल्ला अस्पतालमा स्वास्थ्य परीक्षण गरिएको छ  । अरोपी युवकलाई पक्राउ गरी अनुसन्धान भइरहेको जिल्ला प्रहरी कार्यालय भोजपुरले जनाएको छ । 

अन्तिम अपडेट: भदौ २, २०७६

तपाईको प्रतिक्रिया