वरिष्ठ कलाकार सुभद्रा अधिकारीको निधन

 साउन ३२, २०७६ शनिबार १२:७:५७ | उज्यालो सहकर्मी
unn.prixa.net

काठमाण्डौ – वरिष्ठ कलाकार सुभद्रा अधिकारीको शनिबार निधन भएको छ । शनिबार बिहान डल्लुमा रहेको  आफ्नै घरमा उहाँको निधन भएको हो । उहाँ केही समयदेखि दम रोगबाट ग्रसित हुनुहुन्थ्यो ।

२००३ सालमा काठमाण्डौको असनमा जन्मनुभएकी अधिकारीले थुप्रै नेपाली चलचित्रमा अभिनय गर्नुभएको थियो । ६ वर्षको उमेरमा उहाँले नेवारी नाटक ‘कचिमचा’ अर्थात्  ‘काँचो माटो’ बाट अभिनय यात्राको सुरुवात गर्नुभएको थियो ।

उहाँले अभिनय गरेका चर्चित चलचित्रहरुमा कन्यादान, चिनो, भाउजूलगायत छन् । खासगरी उहाँले ‘कन्यादान’ निभाएको भूमिकाका लागि धेरैले सम्झन्छन् ।

उहाँलाई शनिबार दिउँसो १ बजेपछि पशुपति आर्यघाटमा श्रद्धाञ्जली दिने र आजै अन्तिम संस्कार गरिने पारिवारिक स्रोतले बताएको छ । 

अन्तिम अपडेट: चैत ६, २०८०

तपाईको प्रतिक्रिया