जीप दुर्घटनामा पत्रकार उजिर मगर गम्भीर घाइते, उपचारका लागि काठमाडौं लगिँदै

 साउन ३, २०७५ बिहिवार ६:४४:१६ | देव पचभैया
unn.prixa.net

पाल्पा – बुधबार बेलुकी बाग्लुङ्गमा भएको जीप दुर्घटनामा गम्भीर घाइते हुनुभएका पत्रकार उजिर मगरलाई थप उपचारका लागि पोखराबाट काठमाडौं लगिँदै छ ।

पत्रकार महासंघका पूर्व महासचिवसमेत रहनुभएका मगरसँगै अन्य चार यात्रु चढेको ध १ ज १४९ नम्बरको जीप बाग्लुङ्गको गलकोट रिघामा दुर्घटनामा परेको थियो ।उहाँको दायाँ आँखा, निधार र वायाँ हातमा चोट लागेको प्रहरीले जनाएको छ ।

बाग्लुङ्ग  गलकोटको आरोग्य अस्पतालमा प्रारम्भिक उपचार पछि विहीबार बिहान ३ बजे मणिपाल अस्पताल पोखरामा ल्याइएको थियो । उहाँलाई थप उपचारका लागि हेलीकोप्टरबाट काठमाडौं पठाउने तयारी भैरहेको छ ।

मगरसँगै घाइते भएका अन्यको स्वास्थ्य अवस्था अवस्था खतरामुक्त रहेको जानकारी दिइएको छ । 
 

अन्तिम अपडेट: भदौ १६, २०७५

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ । उहाँलाई फेसबुकमा भेट्न सकिन्छ ।

1 Comments

  • धन बहादुर थापा

    July 19, 2018, 8:43 a.m.

    शिघ्र स्वास्थ्य लाभकाे कामना प्रिय मित्र पत्रकार उजिर मगरलाई ।

तपाईको प्रतिक्रिया