आज एकैदिन ६८ जनामा कोरोना पुष्टि, सङ्क्रमितको सङ्ख्या ५८४ पुग्यो

जेठ १०, २०७७ शनिबार १९:३५:२ | उज्यालो सहकर्मी

काठमाण्डौ – बाँकेमा २७ जनासहित आज एकैदिन ६८ जनामा कोरोना भाइरसको सङ्क्रमण पुष्टि भएको छ ।

योसँगै नेपालमा कोरोना भाइरस सङ्क्रमितहरुको सङ्ख्या पाँच सय ८४ पुगेको छ । स्वास्थ्य मन्त्रालयका प्रवक्ता डाक्टर विकास देवकोटाका अनुसार राप्ती स्वास्थ्य विज्ञान प्रतिष्ठानमा गरिएको परीक्षणमा बाँके नरैनापुरका २७ जनामा सङ्क्रमण पुष्टि भएको हो ।

नरैनापुर मदरसाका १७ देखि ३२ वर्षका ६ जना, नरैनापुर राष्ट्रिय प्रावि गेगलीका १६ देखि ३२ वर्षका १५ जना र राष्ट्रिय प्रावि महातानियाका २२ देखि ५० वर्ष उमेर समूहका ६ जनालाई सङ्क्रमण पुष्टि भएको हो ।

यस्तै सेती अस्पतालको प्रयोगशालामा गरिएको परीक्षणमा बैतडीका चार जनालाई सङ्क्रमण भएको पुष्टि भएको छ । उनीहरुमध्ये दुई जना २० वर्षका छन् भने २२ र २७ वर्षका एक/एक जना रहेकाे मन्त्रालयले जनाएको छ ।

उनीहरुमा चारै जनामा आरडीटी पोजेटिभ भएपछि पीसीआर परीक्षण गर्दा पनि पोजेटिभ देखिएको हो । त्यस्तै सुर्खेतमा दुई जना पुरुष र एक जना महिलामा कोरोना भाइरस सङ्क्रमण पुष्टि भएको छ । यस्तै कोशी अस्पतालमा झापाका ३३ वर्षीय पुरुषमा सङ्क्रमण पुष्टि भएको छ ।

बर्दिया बडैयाताल ७ का एक जना पुरुषमा पनि सङ्क्रमण पुष्टि भएको छ । यस्तै सर्लाहीका १३, कपिलवस्तु र रुपन्देहीका आठ/आठ, बारा चितवन र काठमाण्डाैका एक/एक जनामा सङ्क्रमण पुष्टि भएको छ । सङ्क्रमितमध्ये अहिलेसम्म ७९ जना उपचारपछि निको भएको छन् भने तीन जनाको ज्यान गएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्