'न्युयाेर्क टाइम्स'ले काेराेना भाइरसबाट ज्यान गुमाएका १००० जनाकाे नाम प्रकाशित गर्‍याे

जेठ ११, २०७७ आइतबार १४:३:२१ | एजेन्सी

काठमाण्डाै – अमेरिकाकाे चर्चित अखबार न्युयाेर्क टाइम्सले आइतबारकाे अङ्कमा पहिलाे पृष्ठमा अमेरिकामा काेराेना भाइरसबाट ज्यान गुमाएका एक हजार जनाकाे नाम सूचीबद्ध गरेर प्रकाशित गरेकाे छ ।

आइतबारकाे न्युयाेर्क टाइम्सकाे पहिलाे पृष्ठमा सबैभन्दा महत्तवपूर्ण शब्द 'अकल्पनीय' लेखिएकाे छ । अमेरिकामा काेराेना भाइरसबाट भएकाे क्षति वास्तवमा असाध्य छ । काेभिड–१९ ले पुर्‍याएकाे क्षति कुनै पनि चित्रण वा विवरणभन्दा धेरै छ । तर द टाइम्सले आइतबार पहिलाे पृष्ठ र भित्री तीन पृष्ठमा झण्डै एक हजार पीडितकाे नाम प्रकाशित गर्दै एक अनाैठाे काेसिस गरेकाे छ ।

परिणाम : कुनै पनि तस्बिर समाचार लेख विज्ञापन वा कुनै अन्य चीजरहित एक पहिलाे पृष्ठ । पूरै पृष्ठ मृतककाे नामले भरिएकाे छ । ब्यानर शीर्षकमा भनिएकाे छ, 'अमेरिकामा मृतककाे सङ्ख्या १००००० नजिक, एक अकल्पनीय क्षति ।'

कैयाैँ विशेषज्ञका अनुसार काेभिड–१० काे मृत्युकाे कारण अझै खराब छ किनकि केही पीडितकाे मृत्यु घरमै भएकाे हाे वा अन्य कारणले गर्दा हाे, गनिएकाे छैन । तर मृतककाे सङ्ख्या एक लाख पुग्न लागेकाे छ । द टाइम्सका सम्पादक र पत्रकारहरुले पछिल्लाे केही महिनामा के भयाे यसकाे जानकारी लिने तरिकाकाे बारेमा कुरा गरेका छन् ।

टाइम्सकाे ग्राफिक्स डेस्कका सहायक सम्पादक भन्छन्, 'हामीलाई थाहा थियाे, त्याे सङ्ख्यालाई फेरि गन्ने काेसिस गर्नुपर्छ ।' न्युयाेर्क टाइम्सले शनिबार दिउँसाे अमेरिकामा काेराेनाबाट ज्यान गुमाउनेकाे सङ्ख्या एक लाख नजिक पुगेकाे बताएकाे थियाे । याे सङ्ख्या विश्वकाे कुनै पनि देशकाे तुलनामा धेरै हाे ।

महामारीकाे कारण ज्यान गुमाउनेहरुकाे लागि अखबारकाे तर्फबाट याे एउटा श्रद्धाञ्जली भएकाे बताइएकाे छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्