सहकारी प्रकरणमा मुछिएका दीपेश पुन धराैटी बुझाएर रिहा
बैशाख १४, २०८१ शुक्रबार
दाना घोटालामा सजाय भोगिरहेका राष्ट्रिय जनता दल (आरजेडी) का नेता लालुप्रसाद यादवको उपचारका लागि राँचीको राजेन्द्र इन्स्टिच्यूट अफ् मेडिकल साइन्स (रिम्स) मा भर्ना गरिएको थियो ।
अस्पतालको ‘सुपरस्पेसियल वार्ड’ मा भर्ना गरेको भए पनि लालुप्रसाद यादवले रिम्सका निर्देशक आरके श्रीवास्तावसँग उनलाई ‘पेइंग वार्ड’ मा शिफ्ट गर्नको लागि आग्रह गरेका छन् ।
समाचार एजेन्सी एएनआईका अनुसार यादवले उनलाई राखेको वार्डमा धरै लामखुट्टे भएको र लामखुट्टेको टोकाइबाट आफूलाई डेंगु हुने डर भएकाले वार्ड परिवर्तन गर्न चाहेका हुन् । साथै उनले अस्पतालभित्र शौचालयको दुर्गन्ध र कुकुरको भुकाईले निन्द्रा खराब भएको भन्दै अस्पतालका निर्देशकलाई अर्कै वार्डमा राख्न भनेका थिए । अस्पतालका निर्देशकले भने उनको प्रस्ताव जेल प्रशासन समक्ष राखेका छन् ।
योभन्दा अगाडि झारखण्ड उच्च अदालतको तर्फबाट जमानत बढाउनेबारेको रिट खारेज गरिदिएपछि गएको हप्ता लालुप्रसाद यादवलाई पुनः जेल जानु परेको थियो । स्वास्थ्य अवस्था हेरेर जेल प्रशासनले उनलाई बिरसा मुन्डा जेलको सट्टा उपचारको लगि रिम्स पठाएको थियो ।