काठमाण्डाै – काठमाण्डौमा ‘नेपाली क्यारिकेचर–२०८० प्रदर्शनी’ शुरु भएको छ । नेपाल ललितकला प्रज्ञा–प्रतिष्ठान, वास्तुकला तथा अन्य सृजनात्मक कला विभाग तथा कार्टुनिस्ट क्लब अफ नेपालको संयुक्त आयोजनामा हिजोदखि प्रदर्शनी शुरु भएको हो ।     

नेपालमा २०७४ सालदेखि नेपाली क्यारिकेचर प्रदर्शनी हुँदै आएको छ । प्रतियोगितामा सहभागी ३३ कलाकृतिमा छनोट तथा मूल्याङ्कन मापदण्डभित्र परेका प्रतियोगी कलाकृतिहरूमध्ये तीनजनालाई पुुरस्कार प्रदान गरिएको छ । पहिलो पुरस्कार अनुप गुरुङ, दोस्रो पुरस्कार अनिशा भण्डारी र तेस्रो पुरस्कार विश्व थापामगरले पाउनुुभएको छ ।

प्रदर्शनीमा अविन श्रेष्ठ, अकृन अधिकारी, अनिसा भण्डारी, अनुप गुरुङ, अर्पिता शाक्य, अशोकमान सिंह, वामन चालिसे, वासु क्षितिज, भानु भट्टराई, विनय भण्डारी, विश्व थापा, चेतन गौतम, देवेन्द्र थुम्केली, हरिशरण ढुङ्गाना, केशवराज खनाल, महेश बस्ताकोटी, मनरा प्रजापति, एनबी गुरुङ, पल्पासा मानन्धर, पानसिंह तमोरका क्यारिकेचरहरू छन् ।

कार्टुनिस्ट रवि मिश्र, रवीन सायमी, रवीन्द्र मानन्धर, रामहरि रिमाल, राजेश मानन्धर, रामकृष्ण थापा, सविना रिजाल, सानुराज डङ्गोल, सागर शाह, सुजिता महर्जन, सुदर्शन सिग्देल, सौरभ कोइराला, उमेशचन्द्र अधिकारीलगायत क्यारिकेचर पनि रहेका छन् । प्रदर्शनी आउँदो चैत १ गतेसम्म सञ्चालन हुनेछ ।