नेपाली कांग्रेसका नेता दीपक खड्काको जन्म २०२८ साल असार १५ गते सङखुवासभाको तत्कालीन आँखिभुई गाविसको वडा नम्बर ६ मा भएको हो ।
मानविकी संकायबाट स्नातक गर्नुभएका खड्का विद्यालय पढ्दा नै कांग्रेस पार्टीमा आबद्ध हुनुभएको हो । उहाँ २०४२ सालमा गाउँकै विद्यालय अमर माविमा पढ्दा नेविसंघमा आबद्ध हुनुभयो । तर त्यसपछिका दिनमा उहाँ राजनीतिमा सकृय हुनुभएन । 
२०६० सालदेखि मात्र उहाँ फेरि नेपाली कांग्रेसको राजनीतिमा सकृय हुनुभयो । उहाँ कांग्रेसको महासमिति सदस्यसमेत  हुनुहुन्थ्यो । उहाँ २०७० सालको संविधानसभा चुनावमा संखुवासभा – २ बाट विजयी हुनुभएको थियो । तर, २०७४ सालको संसदीय चुनावमा भने उहाँ पराजित हुनुभयो ।