नेपाली कांग्रेसका नेता डा सुनिल शर्माको जन्म झापाको दुम्सेमा २०३४ सालको पुस २२ गते भएको हो । काठमाडौंको शिक्षण अस्पताल महाराजगंजबाट ल्याव टेक्निसियन गरेका शर्माले सिनस्याङ मेडिकल कलेज चीनबाट एमबिबिएस गर्नु भएको छ ।
२०५६ सालदेखि नेपाली कांग्रेसमा आबद्ध भएर राजनीति सुरु गरेका शर्मा २०७० सालमा महाधिवेशन प्रतिनिधि तथा महासमिति सदस्यमा विजयी हुनुभएको थियो । उहाँ १४ औँ महाधिवेशनबाट केन्द्रीय सदस्यका रुपमा विजयी हुनु भएको हो । उहाँ नोबेल मेडिकल कलेज, काठमाण्डौ मेडिकल कलेज तथा नेपालगन्ज मेडिकल कलेजको संचालक पनि हुनुहुन्छ । 
२०७४ सालको चुनावमा उहाँ मोरङ क्षेत्र नम्बर ३ बाट पराजित हुनुभएको थियो ।