नेपाल मजदुर किसान पार्टीका सचिव प्रेम सुवालको जन्म २०१७ सालको असार ३ गते भक्तपुर नगरपालिकाको चोछेंमा भएको हो । उहाँले शंकरदेव क्याम्पसबाट वाणिज्य शास्त्रमा स्नातकोत्तर गर्नु भएको छ ।
२०३४ सालबाट राजनीति सुरु गरेका प्रेम २०७० सालमा समानुपातिक तर्फबाट सभासद बन्नुभयो । प्रेम २०३९ र २०४४ सालमा भक्तपुर नगर पंचायतको ९ को वडाअध्यक्ष, २०४७ सालमा नेमकिपाको केन्द्रीय सदस्य, पार्टीको मुखपत्र श्रमिक साप्ताहिक र मजदूर दैनिकको तत्कालीन सम्पादक तथा २०४९ सालदेखि पार्टीको केन्द्रीय सचिव हुनुहुन्छ ।
उहाँ २०५४ सालमा भक्तपुर नगरपालिकाको प्रमुख हुनुभएको थियो ।
उहाँले २०७४ सालको संसदीय चुनावमा भक्तपुर क्षेत्र नम्बर १ बाट विजय हासिल गर्नु भएको थियो ।
