नेपाली कांग्रेसका नेता सागर शमशेर राणाका छोरा उदय शमशेर राणा राजनीतिमा नयाँ अनुहार होइन । उहाँ पारिवारिक पृष्ठभूमिका कारण नै राजनीतिमा प्रवेश गर्नुभएको थियो । उहाँ नेपाली कांग्रेसको भातृ संगठन नेपाल तरुण दलबाट आफ्नो राजनीतिक यात्रा सुरु गरी तरुण दलको अध्यक्षसमेत हुनुभयो । उहाँ राजनीतिक नेता मात्र नभएर एक सफल व्यवसायी पनि हुनुहुन्छ ।
शेरबहादुर देउवा नेतृत्वको सरकारमा अर्थ राज्यमन्त्रीको रुपमा काम गरिरहनु भएका राणाले २०७० सालको दोस्रो संविधानसभाको चुनावमा क्षेत्र ललितपुर क्षेत्र नम्बर १ बाट विजयी हुनु भएको थियो । तर, २०७४ सालको चुनावमा भने उहाँ पराजित हुनुभयो ।
अहिले उहाँ नेपाली कांग्रेसको केन्द्रीय सदस्यसमेत हुनुहुन्छ ।
