नेकपा एकीकृत समाजवादीका नेता विरोध खतिवडाको जन्म २०१७ सालको फागुन १० गते मकवानपुरमा भएको हो । भुटनदेवी माविबाट माध्यामिक तहको शिक्षा लिनुभएका विरोध खतिवडाले काठमाडौंको नेपाल ल क्याम्पसबाट कानुन संकायमा स्नातक तहसम्मको अध्ययन गर्नुभएको छ ।
२०३० सालमा अनेरास्ववियुबाट कम्युनिष्ट राजनीति सुरु गरेका खतिवडा मकवानपुरमा निकै चर्चित नेता मानिनुहुन्छ । नेता खतिवडा २०४८, २०५१ र २०५६ सालमा मकवानपुरबाट सांसद हुनुभएको थियो । उहाँले २०७४ सालको संसदीय चुनावमा मकवानपुर क्षेत्र नम्बर २ बाट विजयी हुनुभयो ।
नेकपा एमाले विभाजन भएपछि एकीकृत समाजवादीमा लाग्नु भएका खतिवडा स्वास्थ्य मन्त्रीसमेत हुनुभयो ।
