नेपाली कांग्रेसका नेता राजु थापाको जन्म वि.सं २०३५ साल असोज ९ गते स्याङ्जाको पुतलीबजार नगरपालिका वडा नम्वर ६, स्याङ्जामा भएको हो । उहाँका बुवाको नाम फत्तबहादुर र आमाको नाम डिलकुमारी थापा हो । उहाँले काजिमान हिरिटिका माविबाट एसएलसी सम्मको शिक्षा लिनुभएको छ । थापाले पृथ्वीनारायण क्याम्पस पोखराबाट विज्ञान संकायमा प्रमाणपत्र तह उत्तीर्ण गर्नु भएको छ ।
२०४६ सालको जनआन्दोलबाट राजनीतिमा प्रवेश गर्नु भएका थापा २०७० सालको चुनावमा विजयी भए पनि २०७४ सालको चुनावमा भने स्याङ्जा क्षेत्र नम्बर १ बाट पराजित हुनु भयो ।