विद्यार्थी राजनीति मार्फत वि.स. २०३० सालबाट राजनीति प्रारम्भ गर्नुभएका खाण नेपाली कांग्रेसका केन्द्रीय सदस्य हुनुहुन्छ । यसअघि रक्षा मन्त्री, शिक्षा राज्यमन्त्री रहिसकेका खाण अहिले गृहमन्त्री हुनुहुन्छ ।
खाणले त्रिवि स्ववियु सभापति, नेपाल विद्यार्थी संघको अध्यक्ष र तरुण दलको अध्यक्षको जिम्मेवारी समेत सम्हालिसक्नुभएको छ । २०४८ को संसदीय चुनावमा रूपन्देही क्षेत्र नं ३ बाट विजयी खाण २०५१ मा समेत संसदका उम्मेदवार हुनुहुन्थ्यो । २०७४ को प्रतिनिधि सभा चुनावमा रुपन्देही ३ मा समानुपातिकबाट निर्वाचित हुनुभएकाे थियाे । अहिले उहाँ सङ्घीय संसदको प्रतिनिधिसभामा नेपाली कांग्रेस संसदीय दलको प्रमुख सचेतक पनि हुनुहुन्छ ।
राजनीतिक यात्राका क्रममा उहाँले पञ्चायतकालमा करीब २ वर्ष जेलजीवन बिताउनुभएको छ। उहाँले ने.वि. संघको अध्यक्षको हैसियतले २०४६ को जनआन्दोलनमा विद्यार्थी वर्गको नेतृत्त्व गर्नुभएको थियो । उहाँका तीन छोरी र एक छोरा छन् ।
