पूर्व भौतिक पूर्वाधार तथा यातायात मन्त्री एवम् जनता समाजवादी पार्टी (जसपा) का नेता मोहम्मद इश्तियाक राईको जन्म साइगाउँ ४ बाँकेमा २०३६ सालको कात्तिक १६ गते भएको हो । २०५१ सालमा राप्रपाबाट राजनीति सुरु गरेका राईले स्नातकोत्तर गर्नुभएको छ ।
नेहरु स्मारक इन्टरकलेज रुपैडियाबाट एसएलसी दिएका राईले रामजानकी इन्टरकलेज रुपैडियाबाट आइएस्सी गर्नुभयो । क्रिस्चियन डिग्री कलेज लखनउबाट बिएस्सी गरेका राईले लर्डबुद्ध कलेज भारतबाट स्नातकोत्तर गर्नुभएको हो ।
२०६४ सालमा बाँके क्षेत्र नं २ बाट निर्वाचित राई २०६८ सालमा श्रम मन्त्री हुनुभएका राई २०७० सालको चुनावमा भने यसै क्षेत्रबाट पराजित हुनु भयो । तर, राईले २०७४ को चुनाव भने जित्नुभयो ।