नेपाली कांग्रेसका उपसभापति पूर्णबहादुर खड्काको जन्म विसं २०१२ साल फागुन १७ गते पाम्का ८ भोर्जनी, सुर्खेतमा भएको हो । उहाँका बुबाको नाम प्रेमबहादुर र आमाको नाम मायादेवी खड्का हो । खड्काका एक छोरा हुनुहुन्छ । खड्काले अर्थशास्त्रमा स्नातकोत्तर गर्नुभएको छ ।
खड्का विसं २०३१ सालदेखि पार्टीगत राजनीतिमा लाग्नु भएको थियो । खड्का २०४८, २०५१ र २०५६ सालको संसदीय चुनावमा सुर्खेत क्षेत्र नम्बर १ बाट विजयी हुनुभएको थियो । २०६४ सालमा समानुपातिक सांसद भएका नेता खड्का २०७० तथा २०७४ सालको संविधानसभाको चुनावमा पनि सुर्खेत क्षेत्र नम्बर १ बाट विजयी हुनुभएको थियो । उहाँ प्रजातन्त्रको पुनस्र्थापनापछि वाणिज्य, युवा तथा खेलकुद, संस्कृति, जनसंख्या, वातावरण, सूचना तथा सञ्चार, उद्योग तथा गृहमन्त्री भइसक्नु भएको छ ।
उहाँले राजनीति गर्ने क्रममा ५ महिना जेल जीवन बिताउनु भएको छ । खड्का पार्टी विभाजनका समयमा नेपाली कांग्रेस लोकतान्त्रिकको पनि केन्द्रीय सदस्य हुनुभएको थियो । नेपाली कांग्रेसको तेह्रौं महाधिवेशनबाट केन्द्रीय सदस्यमा निर्वाचित हुनुभएका खड्का चौधौँ महाधिवेशनमा भने उपसभापतिमा विजयी हुनुभएको हो ।