शेरबहादुर कुँवरको जन्म वि.स. २०२३ वैशाख २६ गते अछामको चौरपाटी गाउँपालिका ४ मा भएको हो । अछाममा सादगी नेताको परिचय बनाउनुभएका नेता कुँवर अहिले नेकपा एकीकृत समाजवादीका केन्द्रीय सदस्य हुनुहुन्छ । २०७८ भदौ २ मा एमाले विभाजन भएर नेकपा एकीकृत समाजवादी गठन भएपछि गैरसांसदका रुपमा मन्त्रिपरिषद् सदस्य बन्नुभएका उहाँले श्रम मन्त्रीको जिम्मेवारी सम्हालिसक्नुभएको छ ।
कुँवरले त्रिभुवन विश्वविद्यालयबाट वाणिज्य शास्त्रमा स्नातक तहसम्मको अध्ययन गर्नुभएको छ । निर्दलीय पञ्चायत व्यवस्था विरोधी आन्दोलनबाट प्रभावित भएर २०४२ सालमा विद्यार्थी राजनीतिमा प्रवेश गर्नुभएका कुँवर शुरुदेखि नै वामपन्थी विचारधारामा लाग्नुभयो । यसअघि उहाँ अनेरास्ववियु अछाम जिल्ला अध्यक्ष र एमाले अछाम जिल्ला उपसचिवसमेत हुनुहुन्थ्यो ।
