पाँच वर्ष पहिले बीबीसीको साझा सवाल कार्यक्रममा प्रधानमन्त्री शेरबहादुर देउवालाई ‘अक्सफोर्ड विश्वविद्यालयमा पढ्नुभएको प्रधानमन्त्री हामीले कहिले पाउँछौँ ?’ भन्ने प्रश्न गरेर चर्चामा आएका सागर ढकाल पेसाले इन्जिनियर हुनुहुन्छ । गुल्मी घर भएका सागरले अहिले देउवाकै प्रतिष्पर्धी भएर डडेल्धुराबाट स्वतन्त्र उम्मेदवारी दिनुभएको छ ।
उहाँ ४० वर्षमुनिका व्यक्ति प्रधानमन्त्री बन्नुपर्छ भन्ने मूल एजेण्डा बोकेर प्रतिनिध सभा चुनावी दौडमा हुनुहुन्छ । पुल्चोकबाट इन्जिनियरिङमा स्नातक गर्नुभएका उहाँले अमेरिकाको अक्सफोर्ड विश्वविद्यालयबाट पोलिसी एन्ड म्यानेजमेन्टमा एमएस्सी गर्नुभएको छ । उहाँसित चीन सुडान लगायत विश्वका विभिन्न देशमा काम गरेको अनुभव पनि छ ।
