नेकपा माओवादी केन्द्रकी नेतृ बिना मगर केन्द्रीय समिति सदस्य हुनुहुन्छ । २०४० सालको मंसिरमा कञ्चनपुरको पुनर्वास नगरपालिकामा जन्मिएकी मगरले पुनर्वास जनता माविबाट एसएलसी र काठमाडौंको रत्नराज्यलक्ष्मी क्याम्पसबाट मानविकी संकायमा प्रविणता प्रमाणपत्र तह पास गर्नुभएको छ । त्यस्तै सरस्वती क्याम्पसबाट उहाँले स्नातक पास गर्नुभएको छ ।
२०५१ सालमा बाल जनकलाकार संगठनबाट माओवादी पार्टीमा आबद्ध भएकी बिना मगर माओवादीको सशस्त्र युद्धमा लडाकु हुनुहुन्थ्यो ।
उहाँ काठमाण्डौमा क्याम्पस पढ्दा पढ्दै माओवादीको सशस्त्र युद्धमा लाग्नुभएको थियो ।
२०७० सालको चुनावमा कञ्चनपुर १ बाट उम्मेदवार बने पनि पराजित हुनुभएको थियो । तर, २०७४ सालको चुनावमा भने उहाँ त्यसै क्षेत्रबाट विजयी हुनुभयो । उहाँ खानेपानीमन्त्री समेत हुनुभयो ।
