नेपाली कांग्रेसका नेता रमेश लेखकको जन्म २०२० सालको मंसिरमा बैतडीमा भएको हो । बैजनाथ मावि कञ्चनपुरबाट एसएलसीसम्मको अध्ययन गरेका लेखकले सिद्धनाथ विज्ञान क्याम्पस महेन्द्रनगरबाट आइएस्सी पूरा गर्नुभएको छ । लेखकले लखनउ विश्वविद्यालयबाट एमए र लखनउ विश्वविद्यालयबाटै कानुनमा स्नातक गर्नुभएको छ ।
२०३७ सालदेखि राजनीति थालेका लेखक २०५६ सालमा प्रतिनिधिसभा सदस्य हुनुभयो । २०६४ र २०७० सालको चुनावमा उहाँ कञ्चनपुर क्षेत्र नम्बर ४ बाट विजयी हुनुभयो । २०७४ सालको संसदीय चुनावमा भने कञ्चनपुर क्षेत्र नम्बर ३ बाट विजयी हुनुभएको थियो ।
नेपाली कांग्रेसका केन्द्रीय सदस्यसमेत रहेका लेखक यसअघि श्रम मन्त्री र भौतिक पूर्वाधार तथा यातायात मन्त्री हुनुभएको थियो ।
