नेपाल र वेस्ट इन्डिज ‘ए’ बीचको टी–२० क्रिकेट श्रृङ्खला आजदेखि
बैशाख १५, २०८१ शनिबार
इथियोपियामा भएकाे १४९ जना यात्रु बोकेको विमान दुर्घटनामा विमानमा रहेका काेही पनि जीवित नरहेकाे इथियोपियन एअरलाइन्सले पुष्टि गरेकाे छ ।
विमानमा विभिन्न ३३ देशका नागरिक रहेकाे पनि एअरलाइन्सले खुलाएकाे छ । दुर्घटना के कति कारणले भएकाे हाे भन्ने खुलेको छैन ।
बीबीसीले एक प्रत्यक्षदर्शीलाई उद्धृत गर्दै विमान जमीनमा बजारिएपछि एक्कासी भयानक आगलागी भएकाे जनाएकाे छ ।
‘त्याे विष्फाेट र आगलागी यति भयानक थियाे कि हामी नजिक जान सकेनाैं, उनले भने, सबै कुरा जलेर खरानी भयाे । अहिले त्यहाँ ४ ओटा हेलिकप्टर मात्र देखिएका छन् ।’
राजधानी आदिस अबाबाबाट केन्याको राजधानी नैरोबीका लागि छुटेकाे बोइङ ७३७ दुर्घटनामा परेको थियाे जसमा १४९ यात्रुसहित ८ जना चालक दलका सदस्य रहेका बताइएकाे थियाे ।
ईटी-३०२ नामकाे विमान राजधानी आदिस अबाबाबाट ६२ किलाेमिटर दक्षिण पूर्वमा रहेकाे बिस्फाेटु भन्ने ठाउँमा विष्फाेट भएकाे एअरलाइन्सले बताएकाे छ । आदिस अबाबाकाे बाेले एअरपाेर्टबाट बिहान ८ बजेर ३८ मिनेटमा उडेकाे विमानकाे ८ बजेर ४४ मिनेट जाँदा टावरसँग सम्पर्क विच्छेद भएकाे थियाे ।