चर्चित बलिउड निर्देशक सुभास घई नेपाल आउँदै

 जेठ ९, २०७५ बुधवार १३:४५:२ | उज्यालो सहकर्मी
unn.prixa.net

काठमाडौं, जेठ ९ – प्रसिद्ध बलिउड निर्देशक सुभास घई नेपाल आउने भएका छन् । 

काठमाडौंको मैतिदेवीमा रहेको कान्तिपुर फिल्म एकेडेमी र मुम्बईको प्रसिद्ध फिल्म स्कुल विस्लीङ्ग उड इन्टरनेसनलको संयुक्त आयोजनामा हुन गइरहेको वर्कशप तथा सेमीनारमा बलिउडका शो म्यान तथा चर्चित फिल्म निर्देशक सुभास घई नेपाल आउने भएका हुन् । सुभास घई विस्लीङ्ग उडका फाउण्डर चेयरमेन पनि हुन् । उनले नै नेपाली चेली मनिषा कोइरालालाई १९९१ मा चलचित्र ‘सौदागर’ बाट बलिउडमा इन्ट्री गराएका थिए ।

 https://www.youtube.com/watch?v=yjCznbHB55U

वर्कशप विशेष गरी मिडिया नलेज, मोबाइल फिल्म मेकिङ्ग, स्क्रिप्ट राइटिङ्ग र फेसन डिजाइनमा केिन्द्रत हुने बताइएको छ ।  यही वर्कशपको लागि मुम्बईबाट निर्देशक घईसँगै स्क्रिप्ट राइटर अन्जुम राजाबली, फेसन डिजाइनर, निशा चन्दा, फिल्म मेकर रवीया नाज्की तथा मुक्ता आर्टस्का म्यानेजिङ डाइरेक्टर राहुल पुरी र नेपालबाट फिल्म डिरेक्टर तथा मिडिया पर्सनालीटी दिनेश डिसी हुनेछन् । 

अन्तिम अपडेट: असार ३२, २०७५

तपाईको प्रतिक्रिया