भारतमा कोरोना सङ्क्रमितको सङ्ख्या साढे १८ हजार नाघ्यो

बैशाख ९, २०७७ मंगलबार १२:१:२८ | उज्यालो सहकर्मी

काठमाण्डौ - भारतमा कोरोना सङ्क्रमितको सङ्ख्या साढे १८ हजार नाघेको छ ।

अहिलेसम्म १८ हजार ६ सय १ जनामा कोरोना सङ्क्रमण पुष्टि भएको भारतको स्वास्थ्य एवं परिवार कल्याण मन्त्रालयले जनाएको छ ।

भारतमा कोरोना सङ्क्रमणबाट सबभन्दा धेरै प्रभावित राज्य महाराष्ट्र हो जहाँ अहिलेसम्म ४ हजार ६ सय ६६ जना सङ्क्रमित भएका छन् भने २ सय ३२ जनाको ज्यान गइसकेको छ ।

यस्तै सबभन्दा कम प्रभावित राज्य मिजोरम र अरुणाचल प्रदेश हुन् जहाँ एक/एक जना सङ्क्रमित भएका छन् ।

मन्त्रालयका अनुसार ३ हजार २ सय ५१ जना सङ्क्रमित निको भएका छन् भने ५ सय ९० जनाको ज्यान गएको छ ।

यो पनि पढ्नुहोस्:

अप्रिल २१ : खाडी र मलेसियामा कोरोना सङ्क्रमितकाे सङ्ख्या ३४ हजार नाघ्याे

अन्तिम अपडेट: बैशाख १४, २०८१

भारतमा कोरोना सङ्क्रमितको सङ्ख्या साढे १८ हजार नाघ्यो

तपाईको प्रतिक्रिया