काठमाडौं – संसदीय सुनुवाइ विशेष समितिले अख्तियार दुरुपयोग अनुसन्धान आयोगको प्रमुख आयुक्तमा सिफारिस भएका नवीनकुमार घिमिरेमाथि कुनै उजुरी भएमा उजुरी गर्न सार्वजनिक आह्वान गरेको छ । 

शनिबार एक सूचना निकालेर समितिले असोज १ गतेभित्रमा उजुरी दिन आह्वान गरेको हो । नवीनकुमार घिमिरेको विरुद्धमा उजुरी गर्नेले आफ्नो नाम, ठेगान पूरा खुलाउन पर्ने छ । घिमिरेलाई गएको बुधबार बसेको संवैधानिक परिषदले अख्तियार प्रमुखमा सिफारिस गरेको हो । 

प्रमुख आयुक्तमा सिफारिस भएका घिमिरेको नाम संसदीय सुनुवाई विशेष समितिले अनुमोदन गरेपछि राष्ट्रपतिबाट प्रमुख आयुक्तमा नियुक्त गर्ने संवैधानिक व्यवस्था छ । घिमिरे २०७१ सालमा अख्तियारको आयुक्तमा नियुक्त हुनुभएको थियो । 

तत्कालीन प्रमुख आयुक्त दीप बस्न्यातको कार्यकाल सकिएपछि दोस्रो वरीयतामा रहेका घिमिरेले चार महिनादेखि अख्तियार दुरुपयोग अनुसन्धान आयोगको कार्यवाहक प्रमुख आयुक्तको जिम्मेवारी सम्हाल्दै आउनु भएको छ । 

याे पनि पढ्नुहाेस्

को हुन् अख्तियारकाे प्रमुख आयुक्तमा सिफारिस भएका नवीनकुमार घिमिरे ?