बर्दिया - बर्दियाकाे ठाकुरबाबा नगरपालिका डुबानमा परेकाे छ ।

स्थानीय खाेला र बर्दिया राष्ट्रिय निकुञ्जबाट आएकाे बाढीका कारण ठाकुरबाबा नगरपालिकाको वडा नम्बर २, ७ र ८ मा पर्ने विभिन्न गाउँका ६० वटाभन्दा बढी घर डुबानमा परेका हुन् । 

नगरपालिकाको वडा नम्बर २ मा पर्ने आम्बासा गाउँका ३५ वटाभन्दा बढी घर डुबानमा परेका वडा नम्बर २ का वडाअध्यक्ष कमल चपाईँले बताउनुभयो ।

यस्तै, वडा नम्बर ७ काे कर्मेला टोल र ८ भुडकैया कालीगौडी आसपासका टोलका  केही घर डुबानमा परेका नगरपालिकाकी उपमेयर विनाकुमारी भट्टराईले जानकारी दिनुभयो ।

नगरपालिकाबाट मेयर तिलकराम लम्साल, उपमेयर विनाकुमारी भट्टराईसहित वडाअध्यक्ष, वडा सदस्य, स्थानीय समाजसेवी र स्थानीयबासिन्दाहरु डुबानमा परेकाहरुकाे उद्धारमा खटिएका छन् । डुबानमा परेकाहरुलाई राेबर बाेटकाे सहायतामा उद्धार गरी सुरक्षित ठाउँमा राखिएकाे छ । 

यस्तै, गएरातिदेखिको अविरल वर्षाले बबई नदीमा पानीकाे सतहले खतरा तह पार गरेकाले दिउँसो २ बजेसम्म तटीय क्षेत्रमा सतर्कता अपनाउन आग्रह गरिएकाे छ ।