कतारबाट स्वदेश फर्कंदै हुनुहुन्छ ? यी कुरामा ध्यान दिनुहोस्

 असार १७, २०७७ बुधबार १८:४४:५१ | उज्यालो सहकर्मी
unn.prixa.net

काठमाण्डौ – तपाईँ कतारमा विभिन्न समस्यामा परेर स्वदेश फर्कने तयारीमा हुनुहुन्छ र दूतावासले तपाईंको नाम प्राथमिकतामा राखेको छ ? छ भने स्वदेश फर्कनका लागि विभिन्न कुरामा ध्यान दिन दूतावासले अनुरोध गरेको छ ।

दूतावासले स्वदेश फर्कने नेपालीको सूची कतारको गृह मन्त्रालयमा पठाएको र गृह मन्त्रालयले स्वीकृत नगरेका व्यक्तिहरु पछि मात्र यात्रा गर्न पाउने छ ।

यस्तै दूतावासले कतारबाट स्वदेश फर्कने नेपालीलाई Ehteraz प्रयोग गर्न अनुरोध गरेको छ । यो एप नचलाएका व्यक्तिले यात्रा गर्न नपाउने भएकाले अनिवार्य रुपमा यो एप चलाउन दूतावासले अनुरोध गरेको छ । यो एप मोबाइलमा डाउनलोड गरी कतारी आइडी नम्बर लगायतका विवरण राखी प्रयोग गर्न सकिन्छ ।

यस्तै रोजगारदाताले इस्केप रिपोर्ट दर्ता गएका व्यक्तिको हकमा भने एअरलाइन्सबाट यात्रा गर्ने दिनसहितको टिकट लिएर सर्च एण्ड फलोअफ डिपार्टमेण्टमा आफैं गएर हवाई टिकटमा डिपार्टमेन्टको छाप लगाउन र अनिवार्य रुपमा स्वीकृति लिएर मात्र उडान गर्न सकिने भएकाले दूतावासले यो प्रक्रिया गर्न पनि आग्रह गरेको छ ।

कतारबाट नेपालीको स्वदेश फिर्तीका लागि जुलाई २,४, ७ र ९ तारिखमा उडान भर्ने तालिका रहेको र हिमालय एअरलाइन्सले ४ र ७ जुलाईमा उडान गर्ने तालिका रहेको दूतावासले जनाएको छ ।

3 Comments

  • Rabin Kumar khatri

    July 15, 2020, 4:26 p.m.

    खै के आस गर्नु ? फेब्रुअरी देखि बिना काम बसेको छु ..कस्तो मान्छे प्राथमिकतामा पर्ने हो ?? हुने खानेलाई मात्र हो यो फ्लाइट ...५ महिना विना काम कोठामा बस्नेलाई थाहा छ पीडा के हो भनेर ..त्यसैले सहयोग गर्नुस हजुर ...#जयनेपाल

  • Gokarna Bahadur pulami magar

    July 2, 2020, 3:52 a.m.

    हामी त दशैंमा फर्किने हो , अनि कतारी आइ डी पनि अगस्तमा सकिन्छ / अक्टोबरमा जानको लागि के के गर्नुपर्छ / अहिले देखि नै जान्न पाए सजिलो हुनेथियो कि ? कृपया भन्दिनुस न /

  • Surya Ghimire

    July 1, 2020, 11:25 p.m.

    काम नभएको ५ महिना हुन लाग्यो , फर्म भरेको धेरै भयो ..५ हजारमा मेरो नाम आएको तर अहिले सम्म फ्लाइटभएको छैन ...अहिले सम्म नाम आउँदैन ..के भएको ??

तपाईको प्रतिक्रिया

समाचार

लोकप्रिय

१

गुल्मीको धुर्काेटमा एउटै परिवारले चार सय मुरी धान फलायो

२

अर्जेन्टिना विश्वकपका लागि छनोट : चीनलाई हराउँदै जापान छनोट नजिक

३

जर्मनीले नेपाललाई एक अर्ब ४६ करोड रुपैयाँ अनुदान दिने, विद्युत् विकासमा खर्च हुने

४

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई