लालप्रसाद साँवा लिम्बूको जन्म वि.स. २०२४ असार २७ गते झापाको सतासीधाममा भएको हो । दुई छोराका बुवा लालप्रसादले विज्ञान संकायमा स्नातक गर्नुभएको छ । साँवा वि.स.२०३६ सालदेखि अनेरास्ववियुको सदस्य भएर राजनीतिमा प्रवेश गर्नुभएको हो ।
वि.स. २०४७ देखि नेकपा एमालेको पार्टी सदस्यता लिनुभएका साँवा वि.स. २०६२ सालमा वैदेशिक रोजगार व्यवसायी संघको अध्यक्ष हुनुभयो । वि.स. २०६९ सालमा नेकपा एमालेको उद्योग वाणिज्य व्यवसाय महासंघको केन्द्रीय सचिव भएका साँवा वि.स. २०७० सालको चुनावमा झापा ५ बाट उम्मेदवार बने पनि पराजित हुनुभएको थियो । तर उहाँ २०७४ काे चुनावमा झापा ४ बाट विजयी हुनुभएकाे थियाे ।
