एमालेको केन्द्रीय निर्वाचन आयोगका अध्यक्षसमेत रहनुभएका विजय सुब्बाको राष्ट्रिय राजनीतिमा राम्रो पकड रहेको मानिन्छ । उमेरले ६४ वर्षमा पुग्नुभएका सुब्बा गीतसंगीतमा राम्रो दख्खल र जनताका सुखदुःखका गीत गाउने नेताका रूपमा पनि चिनिनुहुन्छ ।
वि.स. २०४८ र २०५६ मा जिल्लाबाट प्रत्यक्ष निर्वाचित भएका सुब्बा बीचमा एमाले छोडेर संघीय समाजवादीतिर लाग्नुभएको थियो । तर पछि फेरि २०७१ मा एमालेमै फर्किनुभयो । जिल्लाको राजनीतिमा करिब २० वर्षदेखि गुमनाम बनेका सुब्बालाई अहिले फेरि एमालेले उम्मेदवार बनाएको छ । वि.स. २०७४ मा भने उहाँ समानुपातिकबाट सांसद बन्नुभएको थियो ।
