नेकपा एमालेको पोलिटब्यूरो सदस्य भानुभक्त ढकालको जन्म २०१८ सालको पुस १ गते तेह्रथुमको ओख्रेमा भएको हो । उहाँले स्नातकोत्तर तहसम्मको अध्ययन पूरा गर्नु भएको छ । 
तेह्रथुममा जन्मिएका ढकालको हालको बसोबास सुन्दर हरैचा १२ मोरङमा छ । २०३५ सालमा अखिलबाट राजनीति सुरु गरेका ढकालले २०५३ सालमा अखिलको महासचिव भएपछि विद्यार्थी राजनीति छाड्नु भएको थियो । २०७० सालको संविधानसभा चुनावमा समानुपातिक तर्फबाट सभासद बनेका ढकाल १ वर्ष ९ महिना नेकपा एमालेको प्रमुख सचेतक हुनुभएको थियो । स्वास्थ्यमन्त्रीसमेत हुनु भएका ढकाल २०७४ सालको चुनावमा मोरङ क्षेत्र नम्बर ३ बाट विजयी हुनु भएको थियो ।