नेकपा एमालेका नेता लालबाबु पण्डितको जन्म २०१५ सालको मंसिर १९ गते सर्लाहीमा भएको हो । कक्षा ५ सम्म घरमै अध्ययन गरेका पण्डितले पद्म पब्लिक हाईस्कुल, पाल्पाबाट एसएलसी दिनु भएको हो । उहाँले थापाथली क्याम्पसबाट इन्जिनियरिङ गर्नुभएको छ ।
नेपाल स्वतन्त्र मजदुर युनियनमा आवद्ध हुँदै उहाँले २०३५ सालबाट राजनीतिक यात्रा थाल्नु भएको हो । २०४६ र २०५६ सालको चुनावमा विजयी पण्डित २०६४ सालको चुनावमा समानुपातिकतर्फबाट सभाषद हुनु भएको थियो । २०५१ सालमा सुकुम्बासी समस्या समाधान आयोग मोरङको अध्यक्ष भएर समेत काम गरेका पण्डित २०७० सालमा सामान्य प्रशासन मन्त्री हुनुभयो । त्यतिबेला ग्रीनकार्ड, पीआर लगायत विदेशको स्थायी बसोवास अनुमतिपत्र लिएका कर्मचारीलाई सरकारी सेवामा अयोग्य रहने कानुन ल्याउन उहाँ सफल हुनु भयो । यस्तै उहाँ २०७४ काे चुनावमा माेरङ ६ बाट विजयी हुनुभएकाे थियाे ।
