नेकपा एमालेका नेता गोकुल बाँस्कोटाले स्नातक तह सम्मको अध्ययन पूरा गर्नुभएको छ । विद्यालयमा पढ्दा २०३७ सालदेखि नै राजनीतिमा लागेका बाँस्कोटा २०७० सालको चुनावमा पनि उम्मेदवार बन्नु भएको थियो । तर उहाँ पराजित हुनुभयो । तर, २०७४ सालको चुनावमा भने उहाँ काभ्रे क्षेत्र नम्बर २ बाट विजयी हुनु भएको थियो ।
बाँस्कोटाले नेकपा एमालेको केन्द्रीय स्कुल विभागको सदस्य भएर समेत काम गर्नुभएको छ । उहाँ सञ्चार तथा सूचना प्रविधि तथा सहरी विकास मन्त्री समेत भइसक्नु भएको छ । सेक्युरिटी प्रिन्टिङ प्रेसको खरिदमा ७० करोड कमिसनबारेको अडियो सार्वजनिक भएपछि उहाँले सञ्चारमन्त्रीको पदबाट राजीनामा दिनु भएको थियो ।
