पदम गिरी एमालेका युवा नेता हुनुहुन्छ । २०३३ सालको मंसिरमा पर्वतमा जन्मिएका गिरीले एसएलसीसम्मको शिक्षा काफलचौर माविबाट हासिल गर्नुभएको छ । उहाँले पृथ्वीनारायण क्याम्पस पोखराबाट राजनीतिशास्त्रमा स्नातकोत्तर गर्नुभएको छ ।
२०४६ सालमा अखिल पाँचांैको सदस्य हुँदै कम्युनिष्ट राजनीति सुरु गरेका गिरी २०५५ सालमा पृथ्वीनारायण क्याम्पसमा अनेरास्ववियूका सचिव हुनुभएको थियो । २०५९ अनेरास्ववियूको १९ औं सम्मेलनबाट केन्द्रीय सचिवालयमा निर्वाचित गिरी २०६३ सालमा पृथ्वीनारायण क्याम्पस स्ववियू सभापतिमा चयन हुनुभएको थियो । पदम गिरी २०७१ सालमा नेकपा एमाले जिल्ला कमिटी पर्वतको आठौँ अधिवेशन बाट जिल्ला अध्यक्षमा निर्वाचित हुनुभएको थियो ।
उहाँ २०७४ सालको चुनावमा पर्वत क्षेत्र नम्बर १ बाट विजयी हुनु भएको थियो ।