अहिले नेकपा एमालेका स्थायी कमिटी सदस्य टोपबहादुर रायमाझी पहिले माओवादी केन्द्रका प्रभावशाली नेता हुनुहुन्थ्याे । २०१७ सालको कात्तिकमा अर्घाखाँचीको अर्घा फलेपतमा जन्मिएका नेता रायमाझीले माध्यामिक तहसम्मको शिक्षा जनज्योति मावि अर्घाखाँचीबाट पूरा गर्नुभएको हो ।
काठमाडौंको अमृत साइन्स क्याम्पसबाट विज्ञान विषयमा स्नातक गरेका नेता रायमाझीले २०३४ सालदेखि कम्युनिष्ट राजनीति थाल्नुभएको हो । २०५२ सालदेखि भएको सशस्त्र युद्धमा नेता रायमाझीले ५ वर्ष भूमिगत र २ वर्ष बन्दी जीवन बिताउनुभएको छ । २०६४ सालमा भएको पहिलो संविधानसभा चुनावमा उहाँ अर्घाखाँची १ बाट सांसद बन्नुभएको थियो । यस्तै २०७४ काे प्रतिनिधि सभाकाे चुनावमा एमालेसँगकाे गठबन्धनमा उहाँ माओवादीबाटै विजयी हुनुभयाे । अहिले उहाँ एमालेमा हुनुहुन्छ । उहाँले एक पटक उपप्रधानमन्त्रीसहित विभिन्न सरकारमा ५ पटक मन्त्री भैसक्नुभएको छ ।
