देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देशपरदेशको ५१३ औँ अंक

Download

कार्यक्रम देशपरदेशको ५१३ औँ अंक नेपाली श्रमिकले साउदीमा भोग्ने गरेका दुःख, त्यसको कारण र निवारणको प्रयासमा केन्द्रीत छ । पछिल्लो समय साउदीमा नेपाली श्रमिक ठगिने, रोजगारदाताको यातनामा पर्ने क्रम बढेको छ । कार्यक्रमको यस अंकमा साउदीमा दुःख पाएर नेपाल फर्केका तथा दुःख सहँदै त्यहीँ काम गरिरहेका नेपाली श्रमिकका अनुभव सुन्न सकिन्छ । यस्तै, साउदीमा जान चाहने नेपाली श्रमिकले काम गर्दा र त्यहाँ बस्दा के कस्ता सरुक्षा र सावधानी अपनाउने भन्ने विषयमा साउदीस्थित नेपाली दूतावासको सुझाव अनि, साउदीमा नेपाली श्रमिकले भोग्न परेका समस्या र समाधानका उपायहरुबारे वैदेशिक रोजगार विभागका निर्देशक तथा सूचना अधिकारी कृष्णप्रसाद भुसालसँगको कुराकानी पनि कार्यक्रममा सुन्न सकिन्छ । साथमा हप्ताभरिका रोजगार गतिविधि र तपाईंले सोधेको प्रश्नमा हामीले खोजेको उत्तर त छँदैछ ।

देश परदेश (अडियाे)

कार्यक्रम देशपरदेशको ५१३ औँ अंक

अरु एपिसोडहरु