देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

341 Desh Paradesh 2019-01-08

Download

कार्यक्रम देश परदेशको ३४१अंक सरकारले वैदेशिक रोजगारीका काम विकेन्द्रिकरण गर्न सुरु गरेको विषयमा केन्द्रित छ । सबै काम केन्द्र अथवा काठमाडौंबाट मात्रै हुँदा श्रीमानको मृत्यु हुँदा राहत र क्षतिपूर्ति नपाएकी झापाकी सुकसरी राजवंशीका पीडा समेटिएको रिपोर्ट सुनाउँछौं ।

विकेन्द्रिकरणको सुरु भएको बताएको सरकारले जनकपुर र बुटवलबाटपुन ः श्रम स्वीकृति दिन थालेको छ । यसै विषयमा तयार पारिएको रिपोर्ट पनि प्रस्तुत गर्छौं।
अनि वैदेशिक रोजगारीका के के काम प्रदेश र स्थानीय तहबाट गर्न सम्भव छ भन्ने विषयमा अधिवक्ता सोम लुईंटेलसँग पनि कुराकानी गरेका छौं ।

देश परदेश (अडियाे)

341 Desh Paradesh 2019-01-08

अरु एपिसोडहरु