देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

430_Desh Paradesh 2020-09-22

Download

कार्यक्रम देश परदेशको ४३० औं अंक जाँगरिला युवाको देशभित्रै केही गर्ने योजना, सीप, लगानी र बजार व्यवस्थापनका उपायमा केन्द्रित छ । कुनै पनि काम सुरु गर्नुअघि र काम थालेपछि पनि के कुरामा ध्यान दिने भन्ने बिषयमा नार्कका सदस्य तथा कृषिविज्ञ यमुना घलेको सुझाव कार्यक्रममा समावेश छ । व्यवसाय गर्दा लगानी कसरी जुटाउने ? बैंकहरुले प्रदान गर्ने सहुलियत ऋण र अन्य सुविधा कसरी लिने भन्ने बिषयमा सानिमा बैकका प्रमुख कार्यकारी अधिकृत तथा नेपाल बैंङ्कर्स संघका अध्यक्ष भुवन दाहालको सल्लाह कार्यक्रममा सुन्न सकिन्छ । अनि, देशभित्रै केही गर्छु भन्ने युवाले सरकारी, निजी र गैरसरकारी तबरबाट के कस्तो सुविधा र सहयोग पाउँछन् त भन्नेबारे जानकारीसँगै कतारमा कसरी रोजगारदाता परिवर्तन गर्न सकिन्छ भन्ने तपाईँका प्रश्नमा कतारमा रहेको नेपाली दूतावासका उपनियोग प्रमुख तथा काउन्सेलर लछुमन खनालको जवाफ कार्यक्रममा समेटिएको छ । साथमा छन्, तपाईँका रुची र चासो समेटिएको गतिविधि पनि ।

देश परदेश (अडियाे)

430_Desh Paradesh 2020-09-22

अरु एपिसोडहरु