भारतका अस्पतालमा ओपीडी र शल्यक्रिया सेवा बन्द

भदौ २, २०८१ आइतबार १२:३४:८ | एजेन्सी

भारतका अस्पतालमा ओपीडी र शल्यक्रिया सेवा बन्द भएका छन् । कोलकताको आरजी कर अस्पतालमा एक जना प्रशिक्षार्थी डाक्टरको बलात्कार र हत्याको विरोधमा भारतीय चिकित्सा संघ आइएमएले आज भारतभरका सबै अस्पतालमा ओपीडी र शल्यक्रिया सेवा बन्द गराएको हो ।

२४ घण्टाका लागि सबै अस्पतालहरुमा ओपीडी र शल्यक्रिया सेवा बन्द रहने आइएमएलाई उद्धृत गर्दै भारतीय सञ्चारमाध्यमले जनाएका छन् । गएको बुधवार कोलकातामा एक जना प्रशिक्षार्थी महिला डाक्टरको बलात्कार गरेर हत्या भएपछि अहिले देशभर आन्दोलन चर्किएको छ ।

डाक्टर मारिएको आरजी कर अस्पतालमा प्रदर्शनकारीले तोडफोड गर्ने जोखिम बढेपछि स्थानीय सरकारले निषेधाज्ञा लगाएको बीबीसी हिन्दीले जनाएको छ ।

यसैबीच भारतीय स्वास्थ्य मन्त्रालयले स्वास्थ्यकर्मीको सुरक्षाको बिषयमा अध्ययन गरी सुझाव दिन एक समिति गठन गर्ने आश्वासन दिएको छ । डाक्टरको आन्दोलनका कारण भारतको स्वास्थ्य सेवा प्रभावित भएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्