विकासोन्मुख एशिया प्रशान्त क्षेत्रमा वृद्धवृद्धाकाे सङ्ख्या सन् २०५...
बैशाख २०, २०८१ बिहिबार
तमिलनाडुका पूर्व मुख्यमन्त्री एम करुणानिधिको अन्त्येष्टि चेन्नईमा रहेको मरिना बिचमै हुने भएको छ । मंगलबार बेलुका चेन्नई अस्पतालमा करुणानिधिको निधन भएको थियो ।
करुणानिधिको निधनले भारतीय राजनीतिक क्षेत्रल एउटा हस्ती गुमाएको छ । उनको निधनमा भारतका राष्ट्रपति, उपराष्ट्रपति, प्रधानमन्त्रीलगायतका व्यक्तिले श्रदाञ्जली व्यक्त गरेका छन् ।
करुणानिधिको पार्टीले उनको समाधिका लागि मरिना तटमा जमिन मागेको थियो । तर राज्य सरकारले त्यहाँ जमिन दिन नमिल्ने बताएपछि डीएमकेले मद्रास उच्च अदालतको ढोका ढकढकाएको थियो । उच्च अदालतले यस विषयमा बुधबार बिहान ८ बजे सुनुवाइ गर्दै मरिना तटमै करुणानिधिको समाधि बनाउन पाउने फैसला गरेको थियो ।
भारतीय समयअनुसार बुधबार साँझ चार बजे करुणानिधिको अन्तिम यात्रा निकालिनेछ । त्यसपछि मात्रै उनको अन्त्येष्टि गरिनेछ ।
श्रदाञ्जलीका लागि करुणानिधिको पार्थिव शरीर राजाजी हलमा राखिएको छ । कांग्रेस अध्यक्ष राहुल गान्धी राजाजी हल पुगेर करुणानिधिलाई श्रदाञ्जली व्यक्त गरेका छन् ।
करुणानिधिका समर्थकहरुको भिडमा भागदौड मच्चिँदा चेन्नईमा रहेको राजाजी हलबाहिर दुई जनाको ज्यान गएको छ भने दर्जनौँ घाइते भएका छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।