भारतबाट वार्षिक एक अर्बको तरकारी आयात

भदौ २, २०७५ शनिबार १४:३१:२२ | उज्यालो सहकर्मी

बाँके – नेपालगञ्ज नाका भएर वार्षिक झण्डै एक अर्ब रुपैयाँ बराबरको हरियो तरकारी भित्रिने गरेको छ ।

नेपालगञ्ज भन्सार कार्यालयका अनुसार गएको आर्थिक वर्षमा ९१ करोड ८२ लाख ८६ हजार रुपैयाँ मूल्यको तरकारी भन्सार भएर भित्रिएको छ ।

नेपालगञ्ज भन्सार कार्यालयका सूचना अधिकारी सुबास श्रेष्ठका अनुसार गएको आर्थिक वर्षमा ३९ हजार ९ सय ६८ मेट्रिक टन हरियो तरकारी भन्सार भएर आयात भएको छ ।

यसैगरी दैनिक सयौं सर्वसाधारणले सीमावर्ती रुपैडियाबाट घरायसी प्रयोजनका लागि हरियो तरकारी भित्र्याउने गरेका छन् । यसरी तरकारी ल्याउने सर्वसाधारणले भन्सार तिर्दैनन् ।

नेपालगञ्जको सीमावर्ती रुपैडिया बजारमा रहेका तरकारी बजारमा नेपाली ग्राहकहरु मात्रै भेटिने गरेका छन् । व्यवसायीहरुले नेपालगञ्ज भित्र्याएको हरियो तरकारी काठमाडौं, पोखरा, सुर्खेत, दाङ लगायतका जिल्लामा समेत पुग्ने गरेको नेपालगञ्जका तरकारी व्यवसायी मोहम्मद इरफानले बताउनुभयो ।

नेपालगञ्जको रानीतलाउ र विपीचौकमा रहेका तरकारी मण्डिमा पछिल्लो समय स्थानीय उत्पादन भएको तरकारी समेत पाइने भए पनि अधिकांश तरकारी भने भारतबाट भित्र्याइने गरेको बिक्रीका लागि राख्ने गरिएको हुन्छ ।

भारतबाट आलु, प्याज, टमाटर, हरियो सागपात र तरकारी दैनिक भन्सार भएर भित्रिने गरेको छ । नेपालगञ्जमा रहेका दुईवटा तरकारी बजार बाहेक सयौं ठेला व्यवसायीले समेत भारतीय तरकारी बिक्री गर्दछन् ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्