साइकलबाटै ७७ जिल्ला घुम्दै बानिया

भदौ २, २०७५ शनिबार १४:४५:३१ | उज्यालो सहकर्मी

बाँके – साइकलमै देश दौडाहमा निस्केका साइकलयात्री ओमप्रकाश बानिया ६२ औं जिल्लाको रुपमा शनिबार बाँके प्रवेश गर्नुभएको छ ।

देशका ७७ वटै जिल्लामा साइकल यात्रा गर्ने उद्देश्यसहित यात्रामा निस्किएका सुनसरी चतराका २७ वर्षका बानिया बर्दियाको गुलरिया हुँदै बाँके प्रवेश गर्नुभएको हो ।

साइकलयात्री बानियालाई नेपालगञ्ज साइक्लिङ्ग क्लबका सचिव गगन थापा र सदस्य सतिश निरौलाले बाँकेको खजुरा गाउँपालिकामा स्वागत गर्नुभयो ।

साइकलयात्री बानियाले नेपालगञ्जको प्रसिद्ध शक्तिपीठ बागेश्वरी मन्दिर, जुङ्गे महादेवको मूर्ति र नेपालगञ्ज शहरको परिक्रमा गर्नुका साथै छिमेकी मुलुक भारतको उत्तर प्रदेशको बहराइच जिल्लाको बाबागन्जसम्मको यात्रा गरेको नेपालगञ्ज साइक्लिङ्ग क्लबका सदस्य निरौलाले जानकारी दिनुभयो ।

साइकलयात्री बानिया ६३ औं जिल्ला प्रवेशका लागि आइतबार नेपालगन्जबाट दाङ्गका लागि प्रस्थान गर्नुहुनेछ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्